Regjisorja Vera Grabocka dhe moderatorja Alketa Vejsiu kanë nënshkruar një tjetër kontratë të rëndësishme televizive. Bëhet fjalë për Festivalin e 58-të të Këngës në RTSH, e që do mbahet në “Pallatin e Kongreseve”.
Burime për ‘Panorama Plus’, bëjnë me dije se Alketa dhe Vera do të marrin përsipër realizimin e spektaklit të fundvitit, ku dhe do të zgjidhet ftuesi që do të na përfaqësojë në festivalin e Eurovizion-it.
Kujtojmë se vetëm ditë më parë, Alketa Vejsiu dhe Vera Grabocka mbyllën me sukses edicionin e dytë të programit për fëmijë “Në kurthin e Piter Pan”. Ndërkohë në shtator dyshja e njohur do të sjellë edhe edicionin e gjashtë të spektaklit ‘Dance with me’.
