Kandidati i shumëpërfolur i PD për Bashkinë e Tiranës, mjeku Ilir Alimehmeti ka nisur fushatën elektorale. Në rrjetet sociale ka publikuar një foto nga rrugët e kryeqytetit ku shihet trafiku i dendur i makinave, ndërsa shton se çdo qytetar humb të paktën gjysmë orë çdo rrugë që kalon drejt ose nëpër Tiranë.
Mjeku Ilir Alimehmeti, i cili përflitet si një nga kandidatët e Rithemelimit, për të kandiduar te primaret e Sali Berishës për Bashkinë e Tiranës, thotë më tej se duke humbur kohë nëpër rrugët e Tiranës, po kështu djegim naftën më të shtrenjtë në Europë.
Statusi
Mirëmëngjes nga Tirana jonë e bllokuar, pa qenë as ditë shiu, që na humbet të paktën gjysëm ore çdo rrugë që kalon drejt ose nëpër Tiranë!
Për më shumë, e gjitha kjo kohë humbet duke djegur naftën më të shtrenjtë në Europë!
Dhe, në fund, shkon e punon me nerva që në mëngjes për të marrë rrogën më të ulët në Europë!
