Omicron është në Shqipëri, ku janë identifikuar disa ditë më parë dy rastet e para. Epidemiologu Ilir Alimehmeti e përshkruan variantin e ri si shumë më të transmetueshëm, por më i butë sa i takon klinikës. I ftuar në studion e ABC Live, mjeku shpjegoi se Omicron do të mbizotërojë.
Ai qetësoi popullatën se nuk do të kemi probleme si një vit më parë. Dhe se me apo pa masa, Omicron do të mbizotërojë. Epidemiologu shtoi më tej se në Shqipëri është okoma Delta mbizotëruese, ndërsa Omicron nuk ka hyrë akoma mirë.
“Nuk do na interesojë shumë numri i rasteve të reja. Ne na intereson shumë numri i rasteve të rënda, shtrimet në spital dhe humbjet e jetës. Për të bërë këtë analyze, kemi luksin për të parë në vendet perëndimore sepse atje është shfaqur në fillim. Në Britani është varianti dominant. Sipas të dhënave, numri i ditëve të qëndrimit në spital është më i ulët se sa me Deltën. Omicron do të bëjë punën e tij, është aq i transmetueshëm saqë nuk e bllokojmë dot. Format e rënda janë më të rralla, kjo është e rëndësishme. Kur virusi është shumë i transmetushëm, është shumë i shpejt dhe kurba hipën shpejt lart dhe zbret shumë shpejt. Të gjithë ata njerëz që do kenë nevojë për spital, do kenë nevojë në të njëjtën kohë. Ky është ai risku.
Omicron, për herë të parë është një variant që i rritet risku i riinfektimit. Na intereson si e kalon klinikisht sëmundjen. Dhe nëse pacienti është shumë lehtë në pjesën dërrmuese, ne jemi të lumtur për këtë. Numrat spitalorë në Britani janë stabël, ndërkohë që hija e rasteve është për lart. Tregon në parim se nuk shkakton atë problem që shkaktoi më herët Delta apo të tjerë.
Ne jemi shumë të ngjashëm me rastin në Afrikën e Jugut. Nuk shoh të kemi probleme si një vit më parë. Me apo pa masa, Omicron do të mbizotërojë. Ne sot kemi vaksinën, fatmirësisht kemi një variant më të butë. Në Shqipëri është okoma Delta mbizotëruese, Omicron nuk ka hyrë akoma mirë”, thotë ai.
