Enkelejd Alibeaj ka mbledhur mesditën e sotme grupin parlamentar, për të vijuar konsultimet për të dakordësuar katër emra që Partia Demokratike do të dërgojë në tryezë si kandidatë për President.
Gjatë mbledhjes, kreu i grupit demokrat, Alibeaj ka propozuar katër hapat se si do të zgjidhet Presidenti konsensual.
1. Grupi i PD zgjedh 4 kandidatë
2. Pala tjetër perzgjedh 2 kandidatë
3. Ngrihet një grup i përbashkët PD – PS me 6 anëtarë dhe zgjedh 1 kandidat
4. Kandidati propozohet me firma të përbashkëta PD-PS
Mbledhja e sotme vjen një ditë pasi kreu i grupit të PS-së, Taulant Balla dhe Enkelejd Alibeaj arritën një marrëveshje, ku i jep opozitës të drejtën të paraqesë emra kandidatësh për President, në raundin e dytë dhe të tretë.
Rreth 60 minuta para takimit me deputetët, Alibeaj pati një takim në Kryesinë e Kuvendit edhe me Mesila Dodën e PDIU-së dhe Fatmir Mediun e PR-së.
