Ish-deputeti i Partisë Demokratike, Enkelejd Alibeaj është shprehur i bindur se protesta e së premtes do të jetë më e madhe se 8 të parat. Arsyeja lidhet me durimin që e ka një fund, sepse masa e provokimit nga ana e qeverisë rritet çdo ditë. Po kështu, sipas tij, ndjeshmëria e kryeministrit duket se ka arritur në minimumet e veta historike.
“Unë besoj se në këto 8 herë që është bërë protestë kombëtare, dhe shumë e shumë protesta të tjera lokale, që jo gjithmonë e zënë hapësirën televizive, por gjithsesi janë shqiptarët që në atë të voglën e tyre të ndodhur para këtij presioni që vjen prej së shkuarës, të cilët e kanë hequr lëkurën e tyre, kanë reaguar.
Besoj që e para ka qenë shumë e rëndësishme, e dyta shumë herë më e rëndësishme, e sigurtë që e 8-ta ka qenë më e rëndësishme, më të karikuar sesa 7 të parat. E 9 do jetë sigurisht më tepër sesa 8 të parat.
Durimi e ka një fund, sepse edhe masa e provokimit nga ana e qeverisë rritet, edhe ndjeshmëria e kryeministrit duket se ka arritur në minimumet e veta historike”.
