Kreu i Komanduar i PD-së, Enkelejd Alibeaj ka thirrur një mbledhje të grupit parlamentar të PD-së ditën e nesërme në orën 09:00.
Deputetët janë njoftuar përmes një mesazhi që ka mbërritur në grupin e PD-së, ku përfshihen të gjithë deputetët.
Në këtë mbledhje janë dhe anëtarë nga Komisioni i Rithemelimit të ish-kryeministrit Sali Berisha, por ky i fundit, nuk do të jetë i pranishëm për shkak se është i përjashtuar nga grupi parlamentar.
Kjo mbledhje vjen menjëherë pasi deputetët e PD-së kanë kërkuar që të ulen në tavolinë, për të negociuar një zgjidhje të përbashkët për situatën brenda kampit opozitar.
