Ish-ministri i Drejtësisë, Ylli Manjani tha sonte se një aleancë e re midis LSI-së dhe Rilindjes do ishte koalicion i poshtërsisë. Më anë një statusi në rrjetin social “Facebook”, Manjani i ktheu përgjigje Nikollë Lesit i cili hodhi idenë se më e mira për LSI-në është të mendonte për një aleancë të re me PS-së.
Manjani shpreh mendimet e veta personale kur thotë se e shikon te pamundur këtë aleancë me ata që janë sot në pushtet. Por Manjani thotë se i gënjehet ndonjëherë mendja për socialistët, por jo për Rilindasit. Më pas ai rendit të gjitha arsyet se përse nuk duhet që LSI-ja të bëjë koalicion me Rilindjen.
Postimi i plotë i Ylli Manjanit
Për mikun tim Nikollë Lesi.
Nikolla ka hedhur sot idenë e një koalicioni të ri PS me LSI.
Sigurisht, kjo është vetëm një ide mediatike e pambështetur në asnjë fakt apo përpjekje të partive për këtë gjë. Është thjesht një analizë bazuar në disa deklarime tinzare të Edi Ramës, apo edhe disa ambiguitete të Monika Kryemadhit dhe një heshtje e Lulzim Bashës.
Personalisht nuk kam shumë informacion, për të mos thënë që skam fare, mbi atë se çfarë kanë në planet afat shkurtra (afatgjata jo e jo) të asnjërës parti. As LSI!
Por një koalicion PS – LSI do ta rrefuzoja! I bindur se Rilindja është nukël politik anti-shtet e anti-ligj! Është nukli që drogoi vendin masivisht, nxori pasurinë kombëtare në shitje, projektoi kriza të rënda sociale, shkatërroi çdo shpresë për vendosjen e një sistemi të drejtë e me shance të barabarta, shkatërroi çdo përpjekje për të majtën dhe socialdemokracinë.
Rilindja është nukli politik që i është kundërvënë hapur sistemit kushtetues dhe rendit demokratik në vend! Shkatërrimi i opozitës dhe e çdo njeriu që ka mendim kritik është qëllim politik i saj!
Rilindja të lejon të vjedhësh, të bësh drogë, para e çdo krim tjetër. Vetëm të mendosh e flasësh lirisht në publik, JO!
Ka edhe shumë të tjera, që spo i rendis! Por, të paktën sa më takon, i kam thënë të gjitha. Ndaj skam se si të jem me ta! Më gënjehet ndonjëherë mendja për socialistët, por jo për Rilindasit!
Ata duhen larguar nga Sistemi Politik!
Zgjidha është: bashkim, bashkim, bashkim dhe vetëm bashkim Opozitarësh!
Dhe vijoj të mendoj që ky bashkim përfshin edhe Sali Berishën dhe Ilir Metën! Pavarësisht se kjo nuk shkon për shtat me dëshirën time.
LSI-Rilindje do ishte koalicion i poshtërsisë!
