Shumë media aluduan se marrëdhënia mes Albës dhe Albi Nakos kishte marrë fund. Pretendohej se shkak për këtë vendim ishte bërë mosdëshira e prindërve të Albit, për ta pranuar Albën si nusen e tyre të ardhshme.
I ftuar sot në “Rudina”, Albi foli mbi këto lajme. Ai u shpreh se raportet me Albën janë njësoj si më parë, dhe ata janë miq shumë të mirë. Përsa i përket mosndjekjes në ‘Instagram’, Albi dha këtë arsye:
“Me Albën kemi një raport korrekt profesional dhe miqësor. Lajmet që kam lexuar në portale, ishin të bazuara mbi atë çfarë panë në ‘Instagram’. Por që të mos ndiqeshim më në ‘Insta’ ishte një pakt që ne e bëmë bashkë, që të mos i merrnim fansat njëri-tjetrit”.
Referuar zërave që qarkulluan lidhur me mospëlqimin e Albës nga ana e prindërve të tij, ai u shpreh se janë qesharake:
“Pastaj pjesa e prindërve ishte qesharake. Unë jam i rritur mjaftueshëm për të vendosur vetë në të tilla situata. Di të them që ne të dy jemi miq të mirë, bashkëpunëtorë të mirë dhe marrëdhënia vazhdon po njësoj”.