E hënë, 25 Tetor, 2021
7.5 C
Tirana

Albert Ajnshtajn: Pesë këshilla themelore për jetën

Më 14 mars të vitit 1879, lindi mendimtari më i madh i të gjitha kohërave Albert Ajnshtajn. Një revolucionar në fushën e fizikës dhe filozofisë, ai e interpretoi realitetin në një mënyrë të paparë, duke zbuluar formulën e famshme të relativitetit.

Një shkencëtar dhe një njeri jashtë skemave të zakonshme, i njohur gjithashtu për karakterin e tij lozonjar, kuriozitetin e tij të madh dhe eklektizmin e tij. Një personazh që në fundin e shekullit XX-të, e sfidoi konceptin e “unitetit” të materies dhe të vetë botës.

Ajnshtajni na la si trashëgimi një vizion të paparë të realitetit. Fitues i Çmimit Nobel në Fizikë në vitin 1921, ai hodhi bazat e mekanikës kuantike dhe fizikës moderne. Përveçse  ishte një shkencëtar i madh, ai ishte gjithashtu një filozof i madh. Ja cilat janë5 këshillat e tij të vyera për jetën të cilat duhet t’i kujtojmë vazhdimisht.

  1. Ushqejeni gjithmonë kuriozitetin tuaj

“Unë nuk kam ndonjë talent të veçantë, thjesht jam shumë kurioz për botën përreth”- tha ai në një rast. Dhe në fakt kurioziteti e ka dalluar gjithmonë nga të tjerët. Ajnshtajni është përpjekur gjithnjë të kapërcejë barrierat për të shkuar më tej. Në këtë mënyrë ai arriti që të kapërcejë kufijtë. Falë kureshtjes së tij ai kapërceu pengesat e fizikës klasike, duke na dhënë një vizion krejtësisht të ri për botën.

  1. Rëndësia e madhe që ka imagjinata

“Imagjinata është më e rëndësishme se sa dija. Dituria është e kufizuar, imagjinata e përqafon botën, duke stimuluar progresin dhe lindur evolucionin”.

Kreativiteti është i pranishëm edhe tek shkenca. Dhe nëse shkenca përfaqëson “dijen”, formulat, studimi, imagjinata dhe krijimtaria janë elementët shtesë që na sigurojnë një avantazh të madh. Përmes imagjinatës, edhe një shkencëtar si ai, mundi të shihte me ngjyra. Dhe duke i parë ato, mundtë shihni një botë të re, ndaj ka përparim, evolucion.

  1. Gabimi është mësimi më i madh në jetë

“Nuk keni bërë kurrë një gabim, nëse nuk keni provuar ndonjëherë diçka të re”.

Edhe Albert Ajnshtajn gaboi në punën e tij. Dhe ndër leksionet më të rëndësishme të jetës që mund të nxjerrim prej tij është rëndësia e gabimit:mënyra e vetme dhe parësore për të mësuar më shumë. Nga një gabim, ne jemi në gjendje që t’ia rifillojmë aty ku e kemi lënë por më të vetëdijshëm mbi atë që nuk duhet të përsërisim. Dhe nëse e ka thënë ai, atëherë duhet ta besojmë, të përpiqemi dhe të gabojmë.

  1. Bëhuni njerëz me vlera

“Mos u mundoni të bëheni një njeri i suksesshëm, por më tepër një njeri me vlera.”

Midis suksesit dhe vlerës gjendet në mes një det i tërë, do të thoshte ai. Fama, njohja, suksesi, nuk janë asgjë përpara një njeriu me vlera. Një njeri që di ta bëjë mirë punën e tij, që di të ecë përpara, që di realisht se si të kontribuojë në një ndryshim të caktuar. Kjo është vlera. Të dini sesi të bëni dallimin nga të tjerët përmes kontributit tuaj.

  1. Çelësi i suksesit në jetë:Këmbëngulja

Mos u frikësoni dhe frenoni nga pengesat dhe dështimet:e gjitha është pjesë e garës, por nëse jeni këmbëngulës për të rinisur ecjen përpara, herët a vonë do të mbërrini në vijën e finishit.

Duke ritheksuar sërish vlerën që ka gabimit, hapi tjetër që duhet ta pasojë është këmbëngulja. “E gjitha kjo është pjesë e garës”- thotë Ajnshtajni. Sepse rruga drejt zbulimit, deri në vijën e finishit, përbëhet nga pengesa, vështirësi dhe natyrisht rifillime të gjithçkaje nga e para. Të dish t’ia fillosh sërish është një fitore e madhe. Gjithmonë.

Burimi i lajmit: https://libreriamo.it/storie/albert-einstein-cinque-insegnamenti-fondamentali-per-la-vita

Përshtatur nga TIRANA TODAY

- Reklama -

Më shumë nga kategoria




Të fundit

Çfarë PD-je mund të sjellë Foltorja?

Nga: Ergys Mërtiri Mbështetësit e z. Berisha pretendojnë se Foltorja po sjell debatin dhe reflektimin që i ka munguar PD-së duke i kontribuar hapjes dhe...

Sherr mes afganëve në Shëngjin, 26-vjeçarja plagos bashkëjetuesin 

Një grua afgane ka qëlluar me thikë bashkëjetuesin e saj me kombësi afgane, mesditën e sotme në ambientet ku janë akomoduar në Shëngjin. 26-vjeçarja...

Serbia ndalon boksierët nga Kosova, Shqipëria braktis botërorin

Ekipi i boksit të Kosovës nuk është lejuar të hyjë në Serbi, për të marrë pjesë në Kampionatin Botëror të boksit që mbahet në...

Futbollisti torturohet dhe grabitet në prani të partneres

Një yll i Premier Ligës është sulmuar nga banditë të maskuar në shtëpinë e tij, të cilët e kanë lidhur dhe torturuar para se...

Basha: Zotit mund t’i kem hyrë në hak, por jo Berishës!

Kryedemokrati Basha është treguar i hapur për mediat, ndërsa ka komentuar vendimin e tij për të përjashtuar Sali Berishën. Ai tha se nuk i...