Alban Hoxha, portieri i Partizanit është bërë çështje ditët e fundit në klubin e kuq për shkak të pezullimit si pasojë e shkeljes së rregullores. Ai ka reaguar duke zbatuar urdhrin e drejtuesit Luçiano Moxhi. Duke i kërkuar falje skuadrës ai ka dorëzuar shiritin e kapitenit. Hoxha është bërë shembull për gjithë të tjerët.
Alban Hoxha
“Klubi ka vendosur një rregullore të brendshme, të cilën unë dhe shokët e mi duhet ta respektojmë. Kur kjo rregullore nuk respektohet unë marr përsipër përgjegjësitë. I kërkoj falje klubit, stafit teknik dhe shokëve të skuadrës. Për këtë arsye dorëzoj edhe shiritin e kapitenit për të dhënë shembull për të gjithë. Jam gati të rikthehem në vendin tim, pranë skuadrës dhe të jem në dispozicion të klubit, trajnerit dhe ekipit për të mirën e Partizanit.”
