Është thënë shpesh herë se tërmetet nuk mund të parashikohen. Vendi ynë bën pjesë në Ballkan, dhe dihet që Ballkani është një zonë me aktivitet të lartë sizmik. Mini-tërmetet ndodhin gjatë gjithë kohës në të gjithë territorin e Shqipërisë, kjo pasi vendi ynë është një territor aktiv. Një lajm i cili bëri xhiron e rrjeteve sociale në orët e vona të së dielës, shkaktoi panik te qytetarët. Sipas këtij lajmi, në orën 23:30 pritej një tërmet i fortë prej 6 ballësh. Lidhur me këtë çështje, akademiku Artan Fuga ka zgjedhur që të ironizojë.
“Po tajfunet që afrohen nga oqeani dhe shkatërrojnë krahina të tëra vendesh shtetesh të fuqishme si Bahamasi? Furtuna e fuqishme, ardhja e asteroideve, po ardhja e gripit që vret mijra njerëz?
Po se kur do të shuhet Dielli a parashikohet?
Po kush fiton ndeshjen të djelën tjetër midis Teutës dhe Lokomotivës?
Jo! Thonë budallenjtë, janë punët të Zotit ato! – ja plas njeri.
Nuk parashikohen – ja pret tjetra, që partia e ka graduar ministre direkt nga arat me misër. E shumta, mbani o kalamanj një jastëk në çantë dhe vëreni në kokë kur të bjerë tërmeti dhe ikni nga dritaret!
Uauuuauauaaaaaa!
Ore po budallallëku a parashikohet?
Parashikohen tërmetet o posssiiii! – ja plas pas pilafit kur i del basti njerit nga Qiproja a nga Madagaskari. Po ku ishe o t’u mbylltë para sesa të binte tërmeti!!!
Ahaaaaaa! Nuk doje panik? Pse Cikago është Tirana që bllokohet nga veturat si nëpër filma me vullkane!!! Ne ja japim vrapit a derëzi! Mos na qaj hallin!”, shkruan ai në Facebook.
