Jo Zyrtarisht në Shqipëri statistikat e abortit janë tejet alarmante. Statistikat pjesore që publikon UNFPA, Agjencia Zhvillimore e Kombeve të Bashkuara, tregojnë se për çdo 3 lindje, kryhet një abort.
Por të dhënat nuk raportohen dhe për më tepër mendohet se qëllimisht mbahen në fshehtësi, kryesisht nga klinikat private pa shtretër, të cilat prej tre vjetësh e kanë të ndaluar me ligj abortin.
Këtë e pranon edhe zëvendësministri i shëndetësisë Klodiaj Rrepaj i cili thotë se ende ka aborte të paligjshme, nuk kemi asnjëherë statistika të sakta për një fenomen që bëhet në fshehtësi.
Ndërsa për martesën në moshë të hershme zv/ministri shton se janë tek familjet rome për shkak edhe të traditës.
Edhe ne përdorimin e metodave moderne të kontraceptivëve, Shqipëria është në nivele të ulëta krahasuar me vendet e rajonit, në nivelin 10.6%, shkruan ora news.
Manela Bello, shprehet se është përllogaritur që në çdo 3-4 lindje ka një abort, gjë që e bën Shqipërinë në numrin e konsideruar të lartë.
Por statistika e aborteve mendohet të jetë disa herë më e lartë se këto evidenca, pasi Shqipëria pas vitit 2014 me urdhër të ministrisë së shëndetësisë i delegoi abortet në maternitet shtetërore dhe klinikat privatet nuk raportojnë më për to.
Bello, po ashtu thekson se në këtë grup-moshë të re, ka aborte të përsëritura dhe kjo tregon se këshillimet për planifikimin familjar jo të duhur.
Referuar martesave në moshë të hershme, ka një studim të pjesshëm realizuar në Vlorë, Korçë dhe Pogradec. Në këto rrethe janë paraqitur 34 kërkesa për kurorëzim dhe nga gjykata janë pranuar 29 prej tyre.
Statistikat u bënë publike gjatë një tryezë të organizuar nga UNFPA me përfaqësues të medies.
