Shifrat në Francë vazhdojnë rritjen alarmante për shkak të koronavirusit. Vetëm në 24 orët e fundit janë regjistruar 13.498 raste të reja me Covid-19, të bëra publike nga ministria e shëndetësisë mbrëmjen e djeshme.
Për ditën e dytë radhazi është kaluar shifra e 13.000 rasteve, pothuajse 300 më shumë në krahasim me bilancin e ditëve më parë. Janë regjistruar gjithashtu 58 vatra të reja me të infektuar. Franca vazhdon të ketë një numër rekord me të infektuar në Europë.
