Duket se dëmtimet e lojtarëve janë kthyer në një problem serioz te Juventusi. Kësisoj trajnerit Sarri i duhet të organizojë një “skenar” pa disa nga lojtarët e tij më të mirë. Së fundmi një tjetër sulmues ka shfaqur probleme në prag të sfidës me Atletikon.
“Tuttosport” raporton se Gonzalo Higuaín aktualisht nuk është mirë nga ana shëndetësore. Sulmuesi argjentinas do t’i nënshtrohet ekzaminimeve mjekësore për të kuptuar nëse bëhet fjalë për ndonjë problem serioz apo diçka kalimtare.
Megjithatë, në rast se Higuaín do të mungojë kundër Atletikos, thuhet se vendin e tij pritet ta zërë argjentinasi tjetër Paulo Dybala.
