Gjatë paradites së sotme, Aviacioni Civil ka kryer një test në aeroportin e Rinasit, duke dhënë një alarm të rremë për bombë. Kjo ka alarmuar udhëtarët, të cilët menjëherë kanë dalë jashtë ambienteve.
Alarmi i rremë për bombë është dhënë në mënyrë që të testohet reagimi i punonjësve dhe qytetarëve.
Aviacioni Civil thotë se në këto raste nuk bëhen njoftime paraprake, pasi punonjësit e sigurisë parapërgatiten.
Autoriteti i Aviacionit Civil e kryen këtë procedurë testimi shpesh herë, ku teston gatishmërinë e saj, në kuadër të parandalimit të çdo ngjarje të mundshme.
