Një alarm për bombë është dhënë për në spitalin e Pejës. Policia Rajonale e Pejës është informuar për një mjet shpërthyes në Spitalin e Pejës. Informacionet paraprake bëjnë me dije se ka qenë stafi mjekësor që ka pikasur një mjet shpërthyes në xhepin e një pacienti. Lajmin për Gazetën Express e ka konfirmuar Fadil Gashi, zëdhënës në policinë rajonale të Pejës.
“Rreth orës 12:40 policia është njoftuar se në Spitalin Rajonal në Pejë stafi mjekësor gjatë kontrollit të një pacienti në xhepin e tij të jaknes ka vërejtur një mjet shpërthyes. Policia menjëherë ka dal në vendin e ngjarjes dhe ka bë sigurimin e vendit të ngjarjes dhe janë larguar njerëzit nga lokacioni për shkaqe sigurie. Tash besoj ka mbërri edhe njësiti për deminim”, ka deklaruar Gashi.
