Alarm brenda stafit të Fondit të Detyrueshëm të Kujdesit Shëndetësor në Elbasan, ku janë prekur 4 punonjës nga sëmundja e tuberkulozit.
Mësohet se të prekurit janë tre specialistë dhe sekretarja e institucionit, e cila është transportuar te Sanatoriumi në Tiranë ku i është nënshtruar një terapie intensive.
Sipas burimeve zyrtare për “Report tv”, një nga punonjësit ka qenë i prekur çka ka bërë që të infektojë edhe tre të tjerë. Tuberkulozi është sëmundja e dytë më vdekjeprurëse nga një agjent i vetëm infektimi, pas virusit HIV.
Ai është një infeksion bakterial, i shkaktuar nga bakteri “Mycobacterium turbeculosis” dhe përhapet nga njëri person te tjetri përmes rrugëve të frymëmarrjes.
