Arrestohet ish- drejtori i Shërbimit dhe Mirëmbajtjes në Gjirokastër, Armand Mamani, pasi akuzohet për shpërdorim detyre.
Kontrollorët e OSHEE-së zbuluan ditën e djeshme një subjekt privat teksa ishte duke shfrytëzuar energji elektrike nga godina e Drejtorisë së Agjencisë së Trajtimit Social.
Ndërkohë, pronarja e këtij subjekti privat L.B, 53-vjeç, ka deklaruar në polici që energjinë e merrte me lejen e Armand Mamanit. Pas dhënies së dëshmisë, autoritetet kanë arrestuar edhe Mamanin. Dy të arrestuarit akuzohen edhe për vjedhje energjie të kryer në bashkëpunim.
Mamani ka qenë kryetar i degës së LSI para dy vitesh në Gjirokastër. Ndërkohë policia po heton në lidhje me zbardhjen e shkeljeve të tjera të mundshme nga Mamani.
