“Arrest me burg” është masa e caktuar nga Gjykata e Lushnjes për Fisnik Halilin, djalin 19-vjeçar nga Cërriku, i cili akuzohet se ka kryer marrëdhënie seksuale me një 11-vjeçare nga Toshkëzi i Lushnjes.
Avokatja e tij mbrojtëse Eva Gjeta, ka thënë se djali nuk ka kryer marrëdhënie me të miturën, dhe se vendimi i caktuar është i padrejtë. Më tej ajo ka rrëfyer se si ishin njohur dy të rinjtë, dhe se djali kishte qëllime serioze për vajzën e mitur.
Sipas avokates, ai kishte një javë njohje në rrjetet sociale dhe kishte rënë në dashuri. Më tej ia kishte prezantuar vajzën familjes së tij, sepse kishte qëllime serioze. Sakaq, së miturës i është bërë vizita mjekësore dhe pritet përgjigjja. Pretendimet e djalit 19-vjeçar janë se vajza e ka gënjyer për moshën, duke iu paraqitur si 17-vjeçare.
Avokatja pohon se Prokuroria e Lushnjës nuk paraqiti prova kundër 19-vjeçarit ne seancë, megjithëse gjykata e la atë në burg. Pas kësaj, mbrojtja do të apelojë vendimin.
Fisnik Halili u arrestua dy ditë më parë nga policia e Lushnjës në shtëpinë e tij në Cërrik, dhe mbi të rëndon vepra penale “marrëdhënie seksuale më të mitur”.
