5 vite burg janë kërkuar nga prokuroria e krimeve të rënda për ish-drejtorin e Përgjithshëm të burgjeve Artur Zoto.
Zoto akuzohet për korrupsion të zyrtarëve të lartë në lidhje më tenderat e ushqimit në drejtorinë e burgjeve në kohën kur mbante postin e drejtorit.
Artur Zoto u arrestua pas dëshmisë se ish-vartësit te tij Iljaz Labi. Ky i fundit bashkëpunoi me drejtësinë dhe tregoi se Zoto përfitonte 20-milionë lekë nga biznesmenët që merrnin pjesë në tenderat e ushqimit.
Për Labin prokuroria kërkoi dënimin me 5 vite burg, por për shkak të bashkëpumit me drejtësinë kërkoi që të shfuqizohej ky dënim.
Dëshmitë e tij në gjyq
Zoto: Nuk kam asnjë faj. Me Iliaz Labin kam pasur komunikim të ngrirë. Ai nuk ka qenë asnjëherë në zyrën time. Nuk kam pasur komunikim dhe as ndonjë takim fizik me biznesmenët.
Zoto, prokurores: Nëse jam këtu për gjëra të tjera ju e dini mirë.
Zoto, gjykatës: Kërkoj të ngrihet një komision i veçante që të verifikojë tenderin për të cilin akuzohem.
