Vijojnë hetimet në lidhje me vdekjen e 39 personave brenda kamionit që ishte nisur nga Bullgaria drejt Britanisë. Sipas mediave britanike, detektivët kanë rënë në gjurmët e dy vëllezërve Roman Hughes, 40 vjeç dhe Christopher 34 vjeç të dy nga Armagh, Irlanda Veriore.
Ata janë shpallur tashmë në kërkim për vrasjen dhe trafikimin e 39 personave nga Kina, që vdiqën të ngrirë në kamion. Gjatë ditës së sotme, policia ka publikuar fotografitë e tyre.
“Të gjesh dhe të flasësh me vëllezërit Hughes është thelbësore për hetimin tonë. Ky është një rast 39 burra dhe gra kanë vdekur tragjikisht dhe mbështetja nga komuniteti do të jetë jetike për të ndihmuar sjelljen e përgjegjësve para drejtësisë”, tha detektivi Stuart Hooper.
Vëllezërit të cilët drejtojnë një biznes transporti në kufirin e Irlandës Veriore, dyshohet se e kanë marrë enën frigoriferike me qera nga një kompani tjetër irlandeze.
