Gjendja e rëndë psikologjike e ka shturë një shqiptarë që t’i japë fund jetës në një burg të Francës. Mediat franceze shkruajnë se Aleksandër Hasalla 38 vjeç, i akuzuar për akte terroriste, i ka dhënë fund jetës në qelinë e tij në burgun e Fleury-Mérogis në Francë.
Ai ishte arrestuar në dhjetor të vitit 2016, pasi akuzohej se kishte furnizuar me municione terroristin e masakrës së Nices më 14 Korrik 2016, ku u vranë 86 persona dhe mbetën të plagosur 450 të tjerë, pasi u shtypën me kamion.
Autori i kësaj masakre, tuniziani Mohamed Lahoaiej Bouhlel kreu sulm vetëvrasës, ndërsa sipas mediave franceze shqiptari kishte pasur rol periferik.
Shqiptari akuzohet se i kishte siguruar terroristit një kallashnikov dhe një pistoletë automatike.
Aleksandër Hasalla ishte i njohur nga drejtësia franceze për grabitje në të kaluarën, por akuza për ta lidhur atë me aktin terrorist nuk ishte provuar plotësisht.
Dyshohet se shqiptari është vetëvarur me lidhëset e këpucëve. 38-vjecari është i burgosuri i dytë në Francë për aktet e terrorizmit i cili kryen vetëvrasje në paraburgim.
