Seanca e parë paraprake për kryetarin e PD-së, Lulzim Basha dhe dy zyrtarët e tjerë të PD-së, Arben Ristani dhe Ilir Dervishi do të mbahet më 13 janar të vitit 2020.
Ata akuzohen për falsifikim të formularëve pasi u morën të pandehur, ndërsa mësohet se gjyqtar do jetë Lazer Sallaku. Sipas “Shqiptarja.com” në këtë seancë mund të merret një nga këto 3 vendime:
1. Gjykata të rikthejë dosjen,
2. ta kalojë në gjyq atë,
3. ose ta pushojë për mungesë provash ndaj akuzave të ngritura.
Kujtojmë se më 14 nëntor 2017, “Stonington Strategies” raportoi në Departamentin e Drejtësisë se ka marrë dy pagesa nga PD, me vlerë totale 500 mijë USD dhe një pagesë të tretë nga “Biniatta Trade LP” në vlerën e 150 mijë USD.
Nëse akuzat ndaj Bashës për falsifikim vërtetohen, atëherë kryeopozitari rrezikon të dënohet nga 3 deri në 7 vite burg.
