Një ditë pas përgjigjes së Ambasadës se Shteteve te Bashkuara të Amerikës, ku nënvizohej gatishmëria për të ndihmuar në hetimin e çdo zyrtari të lartë të korruptuar, Vizion Plus ju drejtua serish Prokurorisë se Përgjithshme, nëse ka nisur një hetim mbi Adriatik Llallën, apo është kërkuar ndihma e Shteteve te Bashkuara.
Në përgjigjen e tij zyrtare organi qendror i akuzës shprehet se është i hapur ndaj çdo hetimi.
Ne i mbetemi deklaratës së mëparshme komunikuar me ju dhe padyshim që jemi të hapur ndaj çdo hetimi.
Ndryshe nga deklarata e mëparshme ne te cilën nxitej puna e prokuroreve dhe mbështetej ndëshkimi i kujtdo qe cenon parimet e shtetit te se drejtës, kësaj here Prokuroria e Përgjithshme është e hapur për hetime duke nënkuptuar këtu dhe ndihmën qe mund të ofrojnë Shtetet e Bashkuara.
Vizion Plus u interesua dhe pranë prokurorisë se Krimeve të Rënda, por nga ky institucion mësohet se nuk ka nisur hetim për ish-prokurorin e përgjithshëm as edhe kryesisht, qe është nja e drejte e Prokurorisë.
Me 14 shkurt, Departamenti Amerikan i Shtetit shpalli non grata ish-kryeprokurorin Adriatik Llalla dhe familjaret e tij, pasi sipas Sekretarit te Shtetit Rex Tillerson, kishte informacione se ai ishte përfshire ne korrupsion gjate kohës te ushtrimit te detyrës.
