Gjykata e Apelit të Durrësit ka vendosur të lërë në fuqi vendimin e shkallës së parë, për masën e sigurisë ‘arrest me burg’ ndaj stomatologes Olesia Duka, e arrestuar për akuzën e ‘mashtrimit’.
Edhe se kjo e fundit nëpërmjet avokatit të sa, ka ankimuar vendimin e gjykatës së shkallës së parë në Durrës.
Avokatët mbrojtës, Arben Llangozi dhe Brikena Duka nuk janë dakort me masën e dhënë ndaj klientes së tyre.
“Gjykata i ka dhënë masën më të rëndë. Nga konstatimi qe ne kemi vetëm denoncimin e shtetasit Idlir Hoxha. Konflikti është civil dhe jo penal. Kemi detyrim civil dhe jo penal. Gjykata penale nuk ka juridiksion sepse shtetasja Olesia Duka nuk ka konflikt penal. Olesia Duka nuk ka rrezik largimi, nuk ka arsye dyshimi që të largohet. Ajo është mjeke stomatologe me dy fakultete. Nuk ka kushte të veçanta dhe kërkojmë ndryshim mase e vendosjen e një mase më të bute. Prokurori nuk ka bërë asnjë verifikim konkret. Prokurori duhet të bënte verifikim të shumave me bilancet e shoqërive tregtare. Nuk është bërë asnjë verifikim për vlerat financiare. Vëmë në dispozicion bilancet e shoqërive në origjinal dhe nuk kanë ekzistuar kurrë ato vlera monetare. Klientja ka marrëdhënie kontraktuale me shoqëri tregtare. I kërkojmë gjykatës ndryshim mase. Kërkojmë ‘arrest shtëpie’ dhe në mbikëqyrje”, thanë avokatët.
