Mediat serbe kanë pasqyruar me ‘shpejtësinë e dritës’ akuzat e kryeministrit në largim, Ramush Haradinaj, për ambasadoren e Kosovës në ShBA. Sipas tij, ambasadorja Vlora Çitaku është e përfshirë në “pazarin” me Serbinë për ndarjen territorial.
Media “B92” thotë se Ramush Haradinaj sot ka shtuar edhe një tjetër emër në listë. Atë të ambasadores Çitaku krahas akuzave për Hashim Thaçin dhe Edi Ramën. Këto akuza Haradinaj i lëshoi gjatë homazheve në shtatoren e heroit, Zahir Pajaziti.
“Çitaku ishte një nga ata”- kështu nis titulli i shkrimit të medis serbe.
“Plotë zyrtarë të Kosovës që janë rreshtuar pro ndarjes në emër të shkëmbimit të territoreve kanë bërë gabim të madh, qoftë Vlora Çitaku, presidenti Thaçi, kryeministri Rama dhe të tjerë”, ka thënë Haradinaj.
