Aktori Ryan Grantham u dënua me burgim të përjetshëm, për vrasjen e nënës së tij me armë zjarri. Grantham, i njohur për rolin e tij në Diary of a Wimpy Kid dhe paraqitjen në Riverdale, u deklarua fajtor për vrasje të shkallës së dytë në mars 2020, për vrasjen e nënës së tij, Barbara Waite. 24-vjeçari u dënua me burgim të përjetshëm të mërkurën. Ai nuk do të ketë të drejtë për lirim me kusht për 14 vjet, raporton CBC e Kanadasë.
Sipas gazetës, gjykatësja Kathleen Ker tha se deklaratat tronditëse nga të dashurit e viktimës, si motra e Grantham, treguan ndikimin “shkatërrues” të tragjedisë. Duke folur për problemet e shëndetit mendor të Grantham, Ker vuri në dukje se ai kishte pasur vështirësi disa javë përpara se aktori të kryente vrasjen.
Ai po merr trajtim psikiatrik ndërsa është në burg, dhe duket se po tregon përmirësim, tha Ker sipas CBC.
Avokati i aktorit Chris Johnson tha, sipas CTV, se Grantham nuk është i tronditur nga dënimi. “Unë mendoj se ai parashikoi atë që gjykatësi i dha si dënim”, tha Johnson.
Ker gjithashtu iu referua përmasave “zvogëluese” të Grantham dhe tha se ajo nuk do ta rekomandonte që ai të shkonte në një burg të sigurisë maksimale.
Grantham ishte 21 vjeç kur qëlloi nënën e tij në kokë, teksa ajo luante piano.
Burimi i lajmit: People. Pershtatur nga Tirana Today
