Gregory Tyree Boyce kishte luajtur një rol të rëndësishëm në filmin e parë të sagës së vampirëve, në Twilight, Gregory interpretoi ‘Tyler Crowley’. Konfirmimi i vdekjes vjen nga nëna e Gregut.
Aktori 30-vjeçar u gjet i vdekur së bashku me të dashurën e tij Natalie Adepoju, 27 vjeç, në apartamentin e Las Vegasit. Shkaqet e vdekjes janë ende të pasigurt.
Gregory u gjet nga kushëriri i tij i cili kishte dyshuar kur kishte parë makinën e aktorit akoma përpara shtëpisë. 30-vjeçari në fakt ishte transferuar në Las Vegas për të qenë pranë nënës së tij, por ai shpesh shkonte në Los Angeles për audicione dhe për të parë vajzën e tij 10-vjeçare, Alya.
“Kushëriri ishte i shqetësuar kur pa makinën sepse Greg duhej të ishte në Los Angeles. Ai shkoi të kontrollonte në shtëpi dhe gjeti kufomat, “i tha një burim E!News. “Ai ishte shumë i përqendruar në punë dhe po merrej me shumë gjëra kohët e fundit,”.
Greg u gjet me të dashurën e tij Natalie, gjithashtu e pajetë. Duket se të dy kishin qenë së bashku për rreth një vit.
