Edhe aktorët e serialeve kanë një jetë të trazuar, me plot të papritura. Angazhimet e tyre profesionale dhe produkti i tyre, i nxjerr më në pah ndaj mediave rozë.
Një skandal lidhur me një prej aktorëve më të njohur turq, ka pushtuar mediat turke. Ozan Guven, i njohur në Shqipëri prej rolit të Rustem Pashait në serialin “Sulejmani i madhërishëm”, akuzohet se ka dhunuar të dashurën e tij Deniz Bulutsuz.
Mediat turke kanë publikuar fotot e partneres së tij me sytë e nxirë e me shenja ngado.
Duke iu referuar partneres së aktorit mjaft të famshëm, dhuna ka ndodhur në shtëpinë e tij në Stamboll.
“Bulutsuz është dhunuar pasi ka reaguar ndaj sjelljes së papërshtatshme të Guven. Këtë e tregojnë shenjat në fytyrë dhe trupin e saj”, tha avokati i Bulutsuz.
Nga ana tjetër, Ozan Guven i ka mohuar akuzat, duke deklaruar se në fakt ishte ai që ka pësuar dhunë.
Edhe aktori ka denoncuar gjithashtu të dashurën. “Deniz Bulutsuz ka kërcënuar Ozan Guven duke i thënë se do ja shkatërrojë karrierën”, tha avokati i aktorit.
