Aktori amerikan, Tom Hanks ka deklaruar se ai dhe bashkëshortja e tij, Rita Wilson kanë rezultuar pozitivë me koronavirus.
Përmes një postimi në Twitter, 63-vjeçari tha se ata kishin filluar të ndiheshin keq, prandaj i ishin nënshtruar analizave.
Çifti hollivudian ndodhen aktualisht në Australi, ku edhe do të izolohen në shtëpinë e tyre sipas protokollit.
“Rita dhe unë jemi në Australi. Na u shfaqën disa simptoma si lodhje, të ftohur me dhimbje në trup. Rita kishte të ethe që shkonin e vinin edhe temperaturë por jo shumë të lartë. Më pas iu nënshtruam testit të koronavirusit, i cili rezultoi pozitiv. Po tani çdo të bëjmë? Po ndjekim çdo gjë sipas protokollit. Do të jemi në izolim për kohë sa duhet”, shkruan fituesi i çmimit Oscar.
— Tom Hanks (@tomhanks) March 12, 2020
Më shumë se 126 mijë persona nga e gjithë bota janë infektuar nga koronavirusi vdekjeprurës. Situata është përkeqësuar ndjeshëm në mbarë globin, teksa deri më tani janë shënuar mbi 4,600 viktima.
