Besoj që na kujtohet Bana al-Abed, vajza 7-vjeçare siriane e cila dërgon mesazhe përmes rrjetit social “Twitter” duke dokumentuar rrethimin e qytetit të Aleppo nga rebelët. Vajza i dërgonte mesazhet me ndihmën e nënës së saj angleze. Duket se puna e saj u shpërblye nga dikush.
Presidenti i Turqisë, Recep Tayyip Erdogan, i dha të premten Alabed kartën e identitetit turke pasi ajo dhe familja e saj kishin mbwrritur nw Turqi pas arratisjes nga Aleppo i shkatërruar nga lufta.
Bana, nëna e saj, babai dhe dy vëllezërit e vegjël, që gjithashtu morën nënshtetësinë turke, ishin ndër mijëra njerëz të evakuuar nga Aleppo i rrethuar nga regjimi i Esadit dhjetorin e kaluar.
Menjëherë pas ardhjes së familjes Alabed në Turqi, ata u pritën zyrtarisht nga Presidenti Erdogan dhe bashkëshortja e tij, Emine, në kryeqytetin Ankara.
Nga ana tjetër, Bana ka falënderuar kreun e Shtetit të Turqisë për marrjen e shtetësisë dhe kartës së identiteti turke drejtpërsëdrejti nga duart e Erdoganit.
“Jemi shumë të gëzuar që Presidenti Erdogan na e dha nënshtetësinë personalisht. E falënderoj shumë atë. Ndihem me fat. Tani po vazhdoj një kurs për të mësuar gjuhën turke. Këtu kam edhe një shoqe turke, që quhet Mira. Jam shumë e lumtur me të dhe luajmë bashkë. Në Turqi kemi vizituar vende mjaft të bukura. Kemi shkuar në Gaziantep dhe në Hataj. Atje pash detin dhe sesi njerëzit po argëtoheshin. Dua që edhe fëmijët sirianë të luajnë të sigurt”, tha 7-vjeçarja siriane.
Kur të rritem – vijoi Bana – dua të bëhem mësuese dhe t’iu jap mësim fëmijëve sirianë, që aktualisht nuk shkojnë dot në shkollë nëpër kampe; ndërkohë që shumë të tjerë vdesin ende në Siri nga uria dhe bombardimet.
Mes të tjerash, ajo theksoi se ndien mall për Halepin edhe pse është e lumtur në Turqi.
“Më ka marrë malli për dhomën, lodrat, kopshtin e shtëpisë dhe për shkollën time. Ka dëshirë të madhe që një ditë të kthehem në Halep. Ai është qyteti im, është vendlindja ime. Unë e dua shumë Halepin”, përfundoi Bana Alabed.
