IKMT ka bërë shembjen me shpërthim të telekomanduar për një objekt 6-katësh në zonën e Astirit, që preket nga projekti i Unazës së Madhe.
Një ditë më parë u shembën 5 objekte pranë rrethrrotullimit të Doganës. Aksioni nisi që në orën 06:00 të mëngjesit në zonën e “Astirit”, ku dhe mbërritën forca policie në mbështetje të punëtorëve të IKMT-së, për të prishur objektet në zonë.
Aksioni ndryshe nga herët e tjera ishte i qetë dhe pa rezistencën e banorëve, ndonëse zona ishte rrethuar me polici dhe qarkullimi u bllokua për disa orë.
Banorët e “Astirit”, prej më shumë se një viti protestojnë kundër prishjes së banesave të tyre në kuadër të projektit urbanistik për Unazën e Re.
