Një ditë para seancës plenare, kreu demokrat Lulzim Basha dhe kryetarja e LSI-së, Monika Kryemadhi, po mbajnë një takim pa praninë e mediave.
Takimi mes palëve po mbahet në selinë e PD-së, ndërsa paraprakisht njoftohet se po diskutojnë për aksionin opozitar.
Gjatë takimit po diskutohet situata politike në vend, dhe aksionet e opozitës së bashkuar.
Partia Demokratike ka njoftuar se nesër në orën 17:00 do të mblidhet Këshilli Kombëtar i kësaj partie.
Në rend dite do të jetë situata aktuale politike dhe vendimmarrja e strukturave të partisë mbi vijimin e aksionit politik.
Protesta e fundit e organizuar nga opozita u shoqërua me përplasje dhe tensione midis forcave të policisë dhe protestuesve, ku mbetën disa persona të plagosur.
