Byroja Kombëtare e Hetimit është duke bastisur disa shtëpi, në kuadër të operacionit për të ekzekutuar 11 urdhër arrestet e nxjerra nga SPAK, për çështjen e inceneratorit të Fierit.
Nga 11 urdhër arrestet është konfirmuar që 5 prej tyre tashmë janë në kërkim, ndodhen jashtë territorit shqiptar. Operacioni është në vijim e sipër dhe po zhvillohen kontroll banesash.
5 persona kanë rënë në pranga deri tani, ndërsa për 5 të tjerë ka informacion që ndodhen jashtë territorit shqiptar dhe janë në kërkim ndërkombëtar. Ndërkohë, një person tjetër është në kërkim brenda vendit.
Mes të arrestuarve edhe biznesmeni Arben Dervishaj. Mësohet se Dervishaj është dhe zëvendëspresident i dytë i Federatës Shqiptare të Futbollit dhe anëtar i Komitetit Ekzekutiv në FSHF.
