Dy të rinj kanë përfunduar në pranga, pasi u kapën me një sasi lënde narkotike. Konkretisht policia ka arrestuar Armando Dervishin, 21 vjeç, banues në Çorovodë dhe Fatjon Shkallën, 24 vjeç, banues në Farkë.
Gjatë kontrollit ndaj shtetasit Dervishi, ushtruar në rrugën “Frederik Shiroka”, iu gjetën dhe sekuestruan në cilësinë e provës materiale 101 doza me lëndë të dyshuar narkotike e llojit “Kokainë”.
Ndërkohë, gjatë kontrollit në banesën e shtetasit Fatjon Shkalla, në një kavanoz iu gjet dhe sekuestrua në cilësinë e provës materiale 69 gramë lëndë e dyshuar narkotike e llojit “Cannabis Sativa”.
Policia sekuestroi në cilësinë e provës materiale 101 doza me lëndë të dyshuar narkotike e llojit “Kokainë” dhe 69 gramë lëndë e dyshuar narkotike e llojit “Cannabis Sativa”.
Materialet proceduriale iu referuan Prokurorisë së Rrethit Gjyqësor Tiranë në ngarkim të shtetasve të lartpërmendur për veprën penale ”Prodhim dhe shitje lëndësh narkotike”.
