Autoritetet holandeze kanë arrestuar së paku njëqind persona gjatë një operacioni kombëtar kundër kriminelëve. Të arrestuarit janë të dyshuar, ndër të tjera, për vjedhje, vjedhje me dhunë dhe posedim ilegal të armëve.
Agjentët bënë hulumtime në Holandë javën e kaluar mbi kriminelët shëtitës, të cilët shpesh vijnë nga Evropa Lindore. Në aksionin, e quajtur “Trivium”, policia mori ndihmë nga, ndër të tjera, nga Autoritetet Tatimore, Shërbimi i Imigracionit dhe Natyralizimit dhe kolegët gjermanë dhe belgë.
Një nga vendet që u kontrolluan ishte kalimi kufitar Hazeldonk pranë Breda:
Arrestimet janë bërë gjatë kontrolleve të shtëpive dhe kontrolleve të tjera. Për shembull, katër vetë u arrestuan në Hagë, të cilët do të shisnin pluhur qumështi të vjedhur. Në Hoofddorp, pesë shitës të dyqaneve u kapën, pasi në duar mbanin xhevahire të vjedhur, arrestime janë bërë edhe në Stacionin Qendror të Amsterdamit.
Për më tepër, kontrollet e policisë mbi njerëzit u bë në dhe pikat A13 dhe A1, kundër personave për posedim ilegal të armëve. Në afërsi të Delftit një makinë u la mënjanë me një dritë blu të ndezur, dhe një person u ve në pranga.
Në afërsi të Venlo, pranë kufirit gjerman, u arrestua një rumun, i cili mbante 600 kg lëndë të para drogë sintetike.
Veprimet nuk kishin për qëllim vetëm arrestimin e personave, por edhe të mbledhin një shumë informacione të dobishme mbi trafikun ndërkombëtar të armëve, kontrabandën e drogës dhe trafikimit njerëzor, tha policia.
Kriminelët shëtitës shpesh vijnë nga vende të tilla si Polonia, Shqipëria dhe Bullgaria dhe shpesh punojnë në grupe të mirëorganizuara. Ata udhëtojnë përreth dhe shkëmbejnë identitetin dhe targat për të qëndruar larg syve të policisë.
Burimi: Nos.nl
Përktheu: Tirana Today
