Një ngjarje e rëndë ka ndodhur në Greqi, ku një shtetas shqiptar ka përplasur me makinë 3 adoleshentë.
Si pasojë e kësaj ngjarjeje të ndodhur në periferi të Karavomilos, në Lamia, ka mbetur i vdekur një djalë 15-vjeçar.
Sipas mediave greke, viktima, së bashku me vëllain e tij binjak dhe dy shokë të tjerë, kanë qenë duke ecur me biçikletë dhe nuk janë parë nga shoferi 40-vjeçar.
Mësohet se aktualisht shqiptari është lënë i lirë, në pritje të hetimit dhe ngritjes së akuzave. Sipas policisë greke, dyshohet se 40-vjeçari shqiptar ka qenë i dehur në momentin e përplasjes, por ai vetë e ka mohuar këtë gjë.
