Një 58-vjeçar ka humbur jetën, teksa po kryente punime pranë banesës së tij në Krujë. Ndonëse është transportuar me urgjencë në spitalin e Traumës në Tiranë, ai nuk ia ka dalë dot mbanë.
Ngjarja e rëndë është shënuar në orët e para të ditës, në Borizanë.
“Më datë 22.06.2019, në Borizanë, Krujë, shtetasi Q.P., 58 vjeç, është dëmtuar duke kryer punime pranë banesës së tij. Ai u transportua në Spitalin e Traumës Tiranë, por si pasojë e plagëve të marra, ka ndërruar jetë”, raporton policia.
Grupi hetimor po punon për sqarimin e plotë të kësaj ngjarje.
