Partia Drejtësi, Integrim dhe Unitet ka reaguar ndaj deklaratës së Partisë Demokratike e cila akuzonte deputetin Aqif Rakipi se po përpiqet të manipulojë provat e aksidentit për shkak se njihet si mik i kryeministrit Edi Rama. Në reagimin e saj, PDIU thekson se Partia Demokratike ka rënë në një mjerim të plotë duke u përpjekur të bëjë politikë me një ngjarje tragjike.
“PD, në mjerim, kërkon të bëjë politikë e opozitë me një aksident tragjik e nuk sheh që është ende në qeveri; është për të ardhur keq që përpiqet mjerisht të abuzojë me raste aksidentesh e fatkeqësish. PDIU i kërkon Prokurorisë dhe Policisë të mos ndikohet politikisht në zbardhjen e kësaj ngjarjeje tragjike. I shprehim ngushëllime familjes së të ndjerit për këtë fatkeqësi tragjike”, shkruhet në reagimin e PDIU-së.
