Fuoristrada tip Lexus e përfshirë mbrëmjen e djeshme në aksidentin tragjik të Shkodrës, rezulton të jetë në pronësi të shtetasit Sokol Mujaj, ky i fundit një person me precedent penal.
Vite më parë Mujaj rezulton të ketë qenë i dënuar me 8 vite burg për trafik raketash nga Mali i Zi drejt Shqipërisë. Sipas të dhënave Sokol Mujaj së bashku me Ilmi Isufi, Armir Troshani dhe Mentor Canin, u arrestuan si pjesë e një organizate që po trafikonin 3 raketa tokë – ajër të tipit “STELA 2 M”, të cilat do të trafikoheshin më pas nga Tirana në një destinacion tjetër jashtë Shqipërisë. Nga i gjithë dënimi i Krimeve të Rënda, Mujaj kreu vetëm 6 vite burg, pasi në vitin 2010 ai u lirua pas amnistrisë së Presidentit Topi që i fali Sokol Nikoll Mujajt vitet e mbetura nga dënimi.
Në njoftimin zyrtar të policisë mbrëmjen e djeshme thuhej se shtetasi Sokol Mujaj ishte drejtuesi i mjetit, por ditën e sotme në një njoftim të dytë thuhet se Mujaj ka qenë pasagjer, dhe i plagosuri tjetër Ndrekë Gjergji ka qenë ai që drejtonte mjetin
