Një ngjarje e rëndë raportohet të ketë ndodhur mesditën e sotme, teksa një 28-vjeçar ka ndërruar jetë si pasojë e një aksidenti në punë.
Bëhet me dije se ngjarja ka ndodhur rreth orës 12:04, në zonën e Bathores. Në një gomisteri ka plasur aksidentalisht një gomë, e cila ka dëmtuar rëndë një prej punëtorëve.
Shtetasi me iniciale F.LL ka ndërruar jetë gjatë dërgimit për në spital. Ndërkohë policia po heton akoma për zbardhjen e plotë të ngjarjes.
Tiranë/Informacion paraprak
Më datë 05.03.2020, rreth orës 12:04, në Bathore, tek një gomisteri, gjatë punës, aksidentalisht ka plasur një gomë, e për pasojë është dëmtuar rëndë puntori i gomisterisë shtetasi F.LL, 28 vjeç, i cili gjatë dërgimit për në spital ka ndërruar jetë.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
