Nëna e Elena Avdillarit ka treguar momentin se si e mori vesh lajmin e hidhur për vdekjen e vajzës së saj në aksidentin tragjik që ndodhi gjatë natës në autostradën Tiranë-Durrës.
Në një prononcim për “Balkaëeb”, mamaja e Elenës, Rozafa Glloga tha se vajza po ikte në Itali, pasi kishte shkuar për të punuar dhe herë të tjera atje ku jetonte me shoqet. Mes të tjerash Rozafa Glloga tha se nuk ishte në dijeni të faktit se çfarë problemi ka pasur vajza që ishte kthyer nga rruga dhe nuk ishte nisur në Itali.
Nëna tregoi se 23-vjeçarja ishte e martuar, pro jetonte me familjen e saj dhe se i ndihmonte financiarisht.
“Vajza ime shkonte herë pas here në Itali pasi shkonte punonte me shoqet. Kjo ishte hera e 4 qe po shkonte. Kishte me vete 600 euro dhe garancinë. Nuk e di ca problemi pati qe nuk u nis në Itali. Lajmin e vdekjes e kanë mësuar shoqet e saj qe jetojnë ne Itali pasi e panë ne televizor. Në mëngjes na njoftuan edhe neve. Vajza ishte e martuar por jetonte tek ne dhe na ndihmonte financjarisht pasi jemi te varfër. Unë punoj në fshesë turni i 3 çdo nate”, tregoi mes dhimbjes nëna e viktimës, Rozafa Glloga.
