Një ditë më parë, një aksident fatal i mori jetën Ervin Dervinës, oficer i kontaktit i Shqipërisë pranë Qendrës për Forcimin e Ligjit në Evropën Juglindore (SELEC), si dhe bashkëshortes së tij, shtetase rumune.
Dervina me origjinë nga Elbasani, ishte duke udhëtuar me një makinë me targa diplomatike të Ambasadës Shqiptare, kur u përplas me një kamion mallrash. Një ditë e shënuar për bashkëshorten e cila kishte ditëlindjen, u kthye në një ditë zie.
Familjarët kanë rrëfyer se i ndjeri ka qenë duke udhëtuar si pasagjer me bashkëshorten e tij, e cila kishte ditëlindjen. Ata po ktheheshin nga një drekë me ambasadorin shqiptar në Bukuresht, dhe disa kolegë në një fshat turistik.
Kanë qenë tre makina me targa diplomate, por vetëm ajo ku ndodhej çifti u përfshi në aksident.
