Një aksident i rënde me pasojë vdekjen e një personi ka ndodhur pasditen e sotme në rrugën Tiranë-Vorë.
Sipas komunikatës se policisë behtë më dije se rreth orës 15:55, në rrugën dytësore, Vorë-Tiranë, ka ndodhur një përplasje midis një kamioni dhe një autoveture, ku drejtuesi i autoveturës tip Ford, shtetasi S. Sh., 35 vjeç, ka gjetur vdekjen e menjëhershme si pasojë e forcës së goditjes.
Nga hetimet paraprake është mësuar se kamioni ka qenë i parkuar jashtë rruge dhe drejtuesi i automjetit tip Ford, dyshohet se ka humbur kontrollin e automjetit dhe si pasojë e shpejtësisë tej normave të lejuara është goditur me kamionin duke e spostuar atë me rreth 10 m.
Shërbimet e zjarrfikëses bënë të mundur nxjerrjen e trupit pa jetë nga mjeti. Grupi hetimor po punon për sqarimin e plotë të rrethanave të ngjarjes.
