Një 57-vjeçar ka humbur jetën në Itali, pas një aksidenti në vendin e tij të punës. Viktima identifikohet si Konstandin Sotiri, përtë cilin thuhet se punonte në Lerma.
Sipas mediave vendase, mësohet se 57-vjeçari ra nga një lartësi prej 20 metrash, teksa po vendoste një rrjetë teli në një mur që kishte rënë në mënyrë të vazhdueshme.
Ngjarja e rëndë ka ndodhur mëngjesin e 19 korrikut, ku viktima së bashkë me dy kolegë të tjerë punonin për një kompani që ishte kontraktuar nga bashkia në rikonstruktimin e murit.
Shqiptari u transportua me helikopter drejt spitalit për të marrë shërbimin mjekësor, por nuk arriti t’u mbijetonte plagëve të marra.
