Një nga 3 motrat e plagosura në aksidentin që ndodhi në aksin Lezhë-Milot, ka ndërruar jetë në spital si pasojë e dëmtimeve të rënda që kishte pësuar.
Viktima është me profesion mësuese, ndërsa identiteti i saj nuk dihet ende.
Ndërkohë, në gjendje të rëndë ndodhen edhe dy motrat e tjera të viktimës, si dhe dy të plagosurit e tjerë që ndodheshin në automjetin e dytë.
Në njërën prej makinave udhëtonin 3 motrat, prej të cilave dy mësuese dhe njëra bashkëshortja e drejtorit të spitalit të Lezhës.
Njoftimi i Policisë së Lezhës:
Më datë 30.01.2018, rreth orës 12:40 është marrë njoftim se në aksin rrugor Lezhë -Milot në afersi të kryqëzimit të Patokut ka ndodhur një aksident. Automjeti tip “Benz” me targa AA308KH dyshohet të ketë qënë duke levizur në sensin e kundert dhe është përplasur me mjetin tip “Fiat” me targa AA935IO. Për pasojë janë dëmtuar pesë shtetas të cilet katër janë nisur për në Q.S.U. Tiranë dhe një në Spitain Rajonal të Laçit. Grupi hetimor në vendngjarje po punon për zbardhjen e plotë të shkaqeve te aksidentit.
