Një aksident i rëndë ka ndodhur sot në orët e para të mëngjesit në vendin e njohur si kthesa e Patosit në Fier, ku një 23-vjeçare ka humbur jetën.
Makina në të cilën ajo ishte pasagjere, ka dalë nga rrugë dhe ka përfunduar në kanal.
Viktima ka qenë duke udhëtuar me një 27-vjeçar me mjetin tip Benz me targa AA 551 OB. Ende nuk dihet identiteti i viktimës.
Informacioni paraprak:
Në datën 02.11.2017, rreth orës 03:15, në aksin rrugor Patos– Fier, në vendin e quajtur “Kthesa e Patosit”, ka dalë nga rruga dhe është përmbysur në kanal mjeti tip “Benz” me targa AA 551 OB.
Si pasojë është aksidentuar rëndë drejtuesi i mjetit, shtetasi T. E, 27 vjeç, banues në Patos dhe ka gjetur vdekjen pasagjerja ende e paidentifikuar rreth 23 vjeçe.
Grupi hetimor po punon për zbardhjen e shkakut të ngjarjes dhe identifikimin e viktimës.
