Mesfushori i kombëtares algjeriane U-23, Bilel Benhamuda ka ndërruar jetë në moshën 24-vjeçare, pas një aksidenti automobilistik.
Lojtari i USM Alger po kthehej në shtëpi pasi luajti në Turneun e “Katër Kombeve” kundër Kongos, duke shënuar një nga tre golat e fitores.
I ndjeri po udhëtonte në autostradë, i shoqëruar nga një mik, kur ka humbur kontrollin e mjetit e më tej është përplasur me një shtyllë. Për fat të keq, automjeti ka marrë flakë dhe të dy kanë humbur jetën.
Liga e futbollit ka vendosur që të shtyjë ndeshjen e radhës mes ES Setif dhe USM Alger, të planifikuar për sonte në mbrëmje për ndeshjen e javës së 34-të të kampionatit vendas.
