Një aksident i rëndë në Itali u ka marrë jetën dy të rinjve, mes tyre një shqiptari. Aksidenti ndodhi mbrëmjen e djeshme rreth orës 19:00, ky dy shokët Giuseppe Troisi dhe Juendi Xhani, 24 dhe 21 vjeç, humbën jetën.
Në aksident janë përfshirë dy automjete, një Audi A4 ku udhëtonin të rinjtë dhe një Hyundai Kona, që e ngiste një 71-vjeçar i cili kishte në pjesën e pasme dy fëmijë 8-vjeçarë.
Automjeti tip Audi po drejtohej nga Troisi, i cili shoqërohej me një 22-vjeçare, ndërsa në pjesën e pasme të makinës ishin shqiptari dhe një 19-vjeçare.
Aksidenti ndodhi në Pesaro, ndërsa mësohet se edhe vajzat që ishin në një makinë me viktimat janë në gjendje të rëndë, ndërsa fëmijët dhe i moshuari kanë shpëtuar pa lëndime serioze.
