Një aksident me pasojë vdekjen ka ndodhur mëngjesin e sotëm në Fushë-Krujë.
Ngjarja ka ndodhur rreth orës 05:00, pranë fshatit Arrameras, ku një automjet ka përplasur një këmbësor. Identiteti i viktimës nuk është bërë me dije, por sipas policisë është rreth 50 vjeç dhe endacak.
Policia ka shoqëruar drejtuesin e mjetit dhe ka nisur hetimet për zbardhjen e plotë të shkaqeve të aksidentit.
